DARBAR-E-MUQTADARIA
Home Hazart Ghous-Ul-Azam (ra)
PDF Print E-mail

HAZRAT GHOUS UL AZAM SHAIKH SYED ABDUL QADIR JILLANI (ra)

 

AOOSAF-E-JAMEELA

            Sir Daftar-E-Ahl-E-Eman, Muqaddam Ashab-E-Irfan, Maadan-E-Sidq-O-Sifa, Khazeena-E-Hikm-O-Haya, Afzal-Ul-Auliya, Sultan-Ul-Asfia, Malik-E-Mulk, Murrawat-E-Khursheed, Sab-Bhair Fatoot, Mazhar-E-Izz-O-Kamal, Shahid-E-Zul-Jalal, Maqrab-E-Bargah-E-Ahdiyat, Muqaddas Dargah-E-Samadiyat, Ajla Arbab-E-Wilayat, Gohar-E-Kan-E-Hidayat, Mehboob-E-Subhani, Qutb-E-Rabbani, Ghous-Ul-Samdani, Mashooq-E-Haqqani, Matloob-E-Yazdaani, Arif-E-Laasani, Hazrat Syed Sultan Makhdoom Shaikh Abdul Qadir Mohi Uddin Al Hassani Al jillani (R.A).

Ap (R.A) kamal- auliya Ahl-e-bait nabviya wa aazam saadat-e-hasniya say hain. Khirqa-e-khilafat wa irshad Hazrat Qazi Shaikh Abbu saeed Maslah uddin Mubarak bin Ali Al makhzoomi (R.A) say hasil kya tha.

Naam o Kuniyat

            Ap (R.A) ka naam Abdul Qadir kuniyat Abu Muhammad alqaab girami Mohi Uddin Mehboob-e-Subhani Ghous ul Saqlain wagera thay.

Tareekh-E-Wiladat

            Ap (R.A) ki wiladat ba saadat ba waqt yek shumba (Barooz itwaar) ba tareekh yakum Ramzan Ul Mubarak 470 hijri ba mutabiq 1078 iswi hain. Ba muqaam Geelaan hoi or Ap (R.A) ki paidaish  aaz kisam khireq adat hoi. Ku kay Ap (R.A) ki walida Mohtarma ki umar us waqt 60 saal thi. Kitab ul rooz ul zaahir kay musannif nay likha hai kay Ap (R.A) muqaam-e-jeel ki taraf mansoob hain jisay GEEL-O-GEELAN bhi kahtay hain.

Taleem-o-Tarbiyat

            Ap (R.A) wali paidaishi thay. Bachpan main hi walid buzurgwar ka saya shafqat sir say uth gia. Walida majida ki aghoosh main tarbiyat paai. Shoro say hi Ap (R.A) ki tabiyat mashaaghil-e-duniya say kinara kash thi. Or ager kabhi bachpan main bachoon kay sath khailna chahtay to gaib say awaz aati “ idhar aoo Aye barkat walay” Ap (R.A) yeh awaz sunkar walida sahiba ki goodh main chalay jatay. Ap (R.A) 10 baras ki umar main apnay shehar kay maktab main parhnay jatay. Farishtay Ap (R.A) kay gird chaltay. Jab madarsay pohonchtay to farishtay kahtay Waali Allah kay liay jaggah khali karo. Ap (R.A) nay Quran Majeed Jeelaan main hi hifz farmaya.

Safar-e-Baghdad Shareef

            Jab Ap (R.A) ki umar 18 baras ki hoi to Ap (R.A) nay tahseel-e-ilm kay liay Baghdad Shareef ka safar kya.

            Aap (R.A) 400 mile say zaaid takleef or khater naak safar kar kay 488 hijri main shahar-Baghdad Shareef pohonchay or mashoor mohaddayseen Ulma-e-Mutaqeen say istaydadh aloom liya.

Takleef Ki Bardasht

            Shaikh Abu Abdullah Bukhari (R.A) say marwi hai kay farmaya Ap (R.A) nay mujh par aisi sakhtiyaan guzaari hain kay agar wo pahaaroon par guzarti to phut jatay. Mujh par jab sakhtiyoon ka hajoom hota to main zameen par lait jata or Quran Pak ki soorat ka wird karta. Meri saari takleefain door ho jateen.

            Issi terhan Ap (R.A) nay yeh bhi farmaya hai kay jab main TALIB-E-ILMI kay zamanay main mashaikh o asaatza say ilm fiqa parha karta tha to sabq parh kar jungle ki taraf nikal jaya karta tha or Baghdad Shareef main na raha karta tha.

Takmeel-e-Ilm

            Bawajood in shaded massaib or takleef kay Ap (R.A) nay elawa deegar aloom kay Ilm-e-Qiraat, Ilm-e-Tafsia, Ilm-e-Hadees, Ilm-e-Fiqa taqreeban Ap (R.A) nay 200 aloom hasil kiay or Ulma-e-zamana say sabqat lay gaye In Aloom ki sanad takmeel Ap (R.A) nay Maah Zi-Al-Haj 496 main hasil ki.

Asaar-e-Wilayat

            Bachpan hi say Ap (R.A) ki paishani say assar-e-wilayat, buzurgi alaamat-e-taqwa wa parhaiz gari numaya or anwar-e-maarfat-o-wilayat tabaa thay. Jo baray zoor say is amar ki shadat daytay thay kay yeh hilal unqareeb iqtaab-e-aalim par badar ho kay chamkay ga. Ap (R.A) ka faizan Ilm zaahir-o-baatin isqadar shorah-e-affaaq hoa kay har taraf say loog Ap (R.A) kay pas akar jama ho gaye or ek bari jamat fazla-o-salah ki Ap (R.A) kay pas taiyyar ho gai. Log Ap (R.A) say Ilm haasil kar kay apnay apnay shahroon ko gaye or Ap (R.A) kay Mureed tammam mulkoon  main phaiul gaye. Har shakhs Ap (R.A) kay aosaaf pasandeeda or khassaail hameeda ki nisbat rutb-UI-sana hoa.

 

Maamoolat-e-Ibadat-o-Riyazat

            Ap (R.A) kasrat-e-ibadat o shiddat-e-riyazaat main nihayat mustaqil mizaaj thay. Ap (R.A) kay dil main Allah ki muhabbat moajzun thi. Awail-e-Hal maqin bhi Ap (R.A) kabhi sust nahi hoaye Aksar din ko rozay rakhtay or har namaz punchgana kay liay taza wazoo or ghusal kartay . namaz-e-isha kay badh khalwat main tashreef lay jatay or subha tak bahir na aatay. Ager raat ko khailifa bhi ajata to siwaye subha kay mulaqat na hooti. Badh tolooh-e-fajr kay dua o aajzi main mashghool rehtay is waqt Ap (R.A) ko anwaar-e-Ellahi aisa chupa laytay kay agar koi shakhs Ap (R.A) ko nazar bhar kay daikhta to Ghaaliban uski basaarat jati rehti.

            Ap (R.A) kay mujahiday ka yeh haal tha kay ek bar 4 baras tak chillay say nahi niklay or is darmiyan 7,7 rooz ka rooza hota tha.

Tadrees

            Ap (R.A) choon kay majmua aloom o fanon or nihayat Aali himat or sair chasham thay jo talba Ap (R.A) kay pass ajatay to phir inko kisi kay pass janay ki zaroorat na hoti thi. Ap (R.A) ki zaat choon kay Marjay ul Uloom-e-Aftaab thee.Ap (R.A) kay pass door daraz shahar or mulkoon say mushkil masaail hal kay liay atay. Or Ap (R.A) foran bila mutala kutub or khwas wa fiker kay us ka jawab bis sawab likh daytay. Ulma ko bhi is main majaal choon or charaan ki na hoti. Ap (R.A) hambli fiqah say taluq rakhtay thay or Immam Shafai or Hazrat Immam Hambal (R.A) kay fiqah kay mutabiq fatwa dia kartay thay.

Waaz Ki Ibtada

            Barooz hafta 16 shawaal 521 hijri ko Ap (R.A) nay Rasool Allah Sallal Laho Allehe Walyhi Wassallum ko khowab main daikha Rasool Allah Sallal Laho Allehe Walyhi Wassallum nay farmaya “AYE LAKHT-E-JIGAR TUM KU LOGON SAY KALAAM NAI KARTAY” Ap (R.A) nay arz kya “AYE PIDR-E-MAHARBAAN MAIN EK AJMI SHAKHS HOON FASAH-E-ARAB KAY SAMNAY KIS TERHA ZABAN KHOLOON is par Ap Rasool Allah Sallal Laho Allehe Walyhi Wassallum nay or Hazrat Ali Karam Allah Wajh (R.A) nay apnay loaab-e-dayhain Ap (R.A) kay moon main dalay. Is kay badh dariya-e-sukhan Ap (R.A) kay moon say mojzaun hoa or Rabt-e-kalaam ka wo ghalba hoa kay zabt ka yarana raha. Ap (R.A) nay jab apni ZABAN-E-MUBARAK waaz main kholi to khas o aam kay azdhaam (hajoom) ki yeh kayfiyat hoi kay majlis main baithnay ki jaga na hoti Ap (R.A) ki mjlis main rija-lo-ghaib bhi Ap (R.A) kay waaz sunnay kay liay atay thay. Ap (R.A) ki mahfil-e-waz ka yeh haal hota kay samaieen wajd main akar bay kudh bay haal ho jatay thay koi zaar-o-qatar roota tha koi aaa-hain bharta koi naara marta tha or koi madhoosh ho kar zameen par loot-ta koi bayhoosh hota yahan tak kay 2 ya 3 janazay majlis-e-quddoos say dast-e-ba dast uthaye jatay.

Paishun-goiyaan

            Ap (R.A) kay mutaliq qabl-az-waqt  wiladat-o-paish-az-zahoor Hazrat Rasool-Akram Sallal Laho Allehe Walyhi Wasallum or Hazrat Khizar (A.S) or Hazrat Imam Hassan Mujtaba (R.A) or Hazrat Imam Zain Ul Abideen (R.A) or Hazrat Imam Hassan Askari (R.A) or Shaikh Abu Bakar bin hawar bata Yahhi (R.A) or Shaikh Junaid Baghdadi (R.A) or Shaikh Abu Ahmed Abdullah Bin Ali Bin Moosa (R.A) or Shaikh Aqeel Manji (R.A) or Shaikh Ali Bin Wahab (R.A) or Shaikh Abu Bakar Khiraaz (R.A) or Shaikh Khiraaz Bin Mastoodai Bataiyhi (R.A) or Shaikh Taj Ul Arifeen Abu Al Wafa (R.A) or Shaikh Hammad Bin Muslim Dabaas (R.A) wagera buzurgan-e-deen nay paishun-goiyaan farmaai hain . jo hurf ba-hurf poori hoi.

Ikhlaaq-o-Aadaat

            Ap (R.A) Shareef ikhlaaq ka mujasma thay. Bawajood is jalaalt qadr or aloom riffat or wusaat ilm kay hamysha zaieefoon kay saath baithtay or faqeer o maskeenoon kay sath tawazay o takreem say paish aatay. Baroon  ki izzat kartay chotoon par shafqat farmatay. Mahmanoon or azizoon or hum nasheenoon ko aziz rakhtay. Sab kay sath nihayat shagufta rooi or dil jooi say paish aatay. Har ek ko yehi maloom hota kay Hazoor (R.A) mujh say hi ziyadah shafqat o muhabbat rakhtay hain.

Karamaat

            Hazrat Makhdoom Ganj sahib maqamat-e-aaliya farmatay hain kay Ap (R.A) ki karamaat o manaaqib kaseera is-qadar hain kay ager tammam zameen kay darakhtoon kay pattay kaaghaz or shakhain qalm banai jain or samandar ko siyaahi bana diya jaye or tammam makhlooq zameen ki asman ki jama ho kar likhay to har giz khatum na hoon . balkay likhnay walay aajiz o taasir ajain.

Tareekh-e-Rehlat

            Shab-e-Hafta Badh-az namaz-e-Isha ba-tareekh 17 maah rabi-ul-akhir 561 hijri ba-mutabiq 1166 iswi. Ap (R.A) ki namaz-e-Janazah AP (R.A) kay baray sahab zaday Syed Abdul Wahab (R.A) nay parhai or Baghdad Shareef kay madarsay Baab Al-azj main Rooza-e-Mutahra masjid kay konay  main Marja-Ul-Khalaiq hai.

          

Khandan Geelania Baghdadia (Mojooda) Ki Wazaahat

 

            Baghdad Shareef mulk Iraq main mojooda khandan Geelania Syedna Shaikh Ul Mashaikh Hazrat Abdul Aziz (R.A) khalf Al Rasheed Hazrat Mehboob-e-Subhaani Qutb-e-Rabbani Haikal Samdaani Peer Dastagir Syedna Abdul Qadir Jeelani Quds Sarah-Ul-Aziz ki Olaad Mutahra abaad hai jiski chaar shakhain hain.

 

Awwal

 

            Olaad Hazrat Syed Ali Al Qadri Al Geelani Ibn-e-Syed Salman (R.A). Inka Laqb bait Syed Ali mashoor hai.

 

Doyiam

 

            Olaad Syed Zakariya Al Qadri Al Geelani (R.A).Inka laqb bait Syed Zakariya mashoor hai.

 

Soom

 

            Olad Syed Muraad Al Qadri Al Geelani (R.A) inka laqb bait Syed Muraad mashoor hai.

 

Chaharum

 

            Olaad Syed Khamees Al Qadri Geelani Inka laqb bait Syed Khamees mashoor hai.

 

            In charoon gharoon kay afraad zakoor-o-arnaas khoor do klaaan ki majmooi taddad 180 kay qareeb hai or yehi asli Geelani Khandan Syedna Hazrat Abdul Aziz Mamdooh Al sadar ki Olaad hain.

 

 

Ohdaa Naqabat Or Towliyat kay mustahaiq

 

            Mehboob-e-Subhani Ghous-Ul-Samdaani Qutb-e-Rabbani Hazrat Ghous-Ul-Aazam Peeran-e-Peer Dastagir kay pardah farmanay kay badh tabligh o arshadat rushd o hidayat madarsa wa khanqa-e-Qadria wa Masjid ki hifazat balkay tammam deegar shobajaat ki taraf An-Hazrat  (R.A) kay Sahab-zaadgaan Syedna Abdul Razzaq wa Syedna Abdul Aziz Shaban nay towajo mabzool farmai. Chuna-chay nasal ba nasal silsila qaaim raha. Jab Syedna Hazrat Abu Nasar (R.A) badaraan khilafat-e-abbasia kay Qazi Al Qazah or Waali-e-Ahd khilafat Abbasia muntakhib hoaye to inkay wisaal kay badh har 2 baradraan ki olaad nay bahmi rishtay dariyoon kay zariyay or yekja rayhaaish pazeer ho kar taaluqaat baradarana ko istwaaar kya. Chuna-chay khalifa Abbasia o Usmania nay in taluqaat bradarana ko mahfooz rakhtay hoaye kabhi Syedna Abdul Razzaq ki olaad say or kabhi Syedna Abdul Aziz (R.A) ki olaad say irshad ba irshad baaligh o aaqil, dana  o samajhdaar ko muntakhib kar kay  ohda-e-naqabat o towaliyat atta farmatay rahy rahnay ka silsila la matnaahi jaari rakha.

 

 

 
Banner
Copyright © 2014 DARBAR-E-MUQTADARIA. All Rights Reserved.
Joomla! is Free Software released under the GNU/GPL License.
Joomla themes